O alumnado de 1º de ESO preparou unhas lendas de medo terroríficas que contaron na biblioteca para celebrar o Samaín. Como agasallo recibiron un marcapáxinas luminoso feito en Polos Creativos da man da nosa compañeira Marta Diz 🎃🎃🎃
SAMAÍN MAGOSTEIRO
Hoxe no 1º e 2º recreo celebramos o Samaín Magosteiro. Repartimos castañas asadas a toda a comunidade educativa. A iniciativa foi un éxito!
Os voluntarios da biblioteca participaron realizando o mural para esta festividade 🌰 🎃🌰
PORTAS GAÑADORAS DO SAMAÍN
Os gañadores das portas do Samaín recibiron hoxe un premio moi doce!!! 🎃🎃🎃
As portas premiadas foron:
- Literatura Universal por alumnado de 1º BACH A.
- 4º ESO.
- 1º ESO A.
- Departamento de Lingua Castelá.
TALLER DO SAMAÍN
Hoxe no 1º e 2º recreo tivemos o taller de origami de Samaín onde fixemos figuras de ilusións ópticas 🎃
Moitas grazas a profesora Luchy do Departamento de Matemáticas!!!
PORTAS TERRORÍFICAS DO SAMAÍN
Aquí vos amosamos as portas terroríficas do Samaín do noso centro.
Fixeron un traballo excelente no que participaron as titorías da ESO, Ciclo Medio, as materias de Literatura Universal, Intelixencia Artificial, Proxecto Competencial e aula de PT. Ademais, tamén realizaron as portas departamentos como o de Lingua Castelá, Informática, Secretaría, Dirección, Orientación, Administración, Club de Lectura, Biblioteca e Plástica.
Estamos moi contentas co ben que se acolleu esta iniciativa e a alta partipación que houbo, polo que decidimos que en vez de 1 gañador haberá 3!!!
MURAL DO SAMAÍN
Comezamos a semana do Samaín amosándovos este mural feito ao longo do mes polo alumnado voluntario da Biblioteca.
Un mural terrorífico que completamos cunha exposición de albums ilustrados sobre a temática arrepiante que nos envolve estes días.
RADIO BAIO NO SAMAÍN
Se queres descubrir todo sobre o Samaín ou Sahaín, unha festa chea de maxia e misterio, que entronca coa herdanza céltica de Galicia, escoita o seguinte podcast feito por Alicia, Laura e Sabela de 3º da ESO.
Pinchade no enlace que está ao final da páxina!
XOGO DE ADIVIÑAS LITERARIAS
Serías capaz das recoñecer o autor de grandes obras da literatura galega a partir
da escoita dun fragmento?
Na biblioteca do IES Maximino Romero de Lema lanzamos neste Día das
Bibliotecas o noso último proxecto Adiviñas literarias. Durante as últimas semanas
estivemos gravando a rapaces e rapazas lendo anacos de libros representativos da
literatura galega. En colaboración con Velo do Departamento de Tecnoloxía
programamos un xogo interactivo que nos invita a recoñecer o autor de cada texto a
través da escoita dun audio. Prestando atención aos detalles Marta Diz do Departamento
de Informática encargouse de dar forma de libro ao brazalete que nos permite conectar
cada texto co seu autor. Un traballo colaborativo que tivo como froito un xogo á vez
divertido e didáctico. Vén a biblioteca e atrévete a poñer a proba os teus coñecementos
da nosa cultura.
Xoga con nós!
.JPG)
ENTREGA DE DIPLOMAS DO VOLUNTARIADO POLO DÍA DAS BIBLIOTECAS
Tamén celebramos o Día das Bibliotecas entregando os diplomas acreditativos do alumnado adscrito ao programa de voluntariado da biblioteca do curso pasado.
ENTREGA DE PREMIOS "O MEU LIBRO FAVORITO 2024 GALICIA"
O MAXIMINO ROMERO DE LEMA GAÑADOR
NOS PREMIOS O MEU LIBRO FAVORITO 2024 GALICIA
Hoxe, 24 de outubro, celébrase o Día das Bibliotecas e, consideramos que era a data
idónea para entregar os premios ao gañador e ás gañadoras do noso Centro do concurso O
meu libro favorito 2024 Galicia convocado pola Consellería de Cultura, Educación,
Formación e Universidades da Xunta de Galicia e a Fundación José Manuel Lara froito do
convenio que manteñen ambas as institucións.
Este certame, destinado ao alumnado de secundaria, ten como obxectivo fomentar a
lectura entre a mocidade a través da escritura dunha pequena reflexión na que comentan cal é
ou foi o seu libro preferido e ten dúas categorías: unha en lingua galega e outra en lingua
castelán. Presentaba como novidade nesta edición a modalidade de podcast, tanto en castelán
como en galego, e foi xusto nesta na que destacou o noso alumnado: conseguiron compartir
de xeito emocionante e creativo as ideas que lle suxería o libro escollido.
En lingua castelá Henri Chie Sa Amorim de 2º ESO acadou o premio co podcast
“Padre rico, padre pobre” e na modalidade en galego, lográrono as alumnas Paula Lema
Paz, Ledicia Vázquez Castiñeira e Sabela Lema Caamaño de 3º ESO polo seu traballo
conxunto sobre “A historia de Sara”. Ambos os traballos foron guiados por Adriana Varela
Vázquez, profesora que formou parte do Equipo da Biblioteca no pasado curso.
No mes de xuño foi cando o xurado deu a coñecer os premiados e, a principios deste
curso enviáronos ao centro os premios acadados que hoxe entregamos e demos a coñecer. O
alumno e as alumnas recibiron cadanseu dispositivo electrónico de audio e son. Á profesora,
polo seu labor de incentivar a actividade, unha tarxeta regalo da Casa do Libro (valorada en
50 euros) e para o centro educativo recibimos un lote de libros, dotación da Consellería de
Educación, Ciencia, Universidades e Formación Profesional.
O fomento da lectura é o obxectivo esencial de calquera biblioteca e a nosa non é
unha excepción. Unha tarefa que vai máis alá da habilidade de saber ler e que pretende un
mellor achegamento ao mundo do libro e á formación de lectores. Por iso dende a Biblioteca
Escolar seguiremos a animar na participación en vindeiras edicións.
.jpg)
Subscribirse a:
Publicacións (Atom)