Foi un libro moi
divertido, gustounos moito a perspectiva de Luz e todo o que facía, rimos moito
lendo as súas ideas e as aventuras. É interesante porque ten tres perspectivas
diferentes dunha mesma historia: a inocente dun neno, a responsable dunha
adulta e a dunha muller maior trastornada. Volveríamos lelo sen pensalo, xa que
gozamos moito coa lectura e pasámolo moi ben.
No espazo creativo da nosa biblioteca tamén nos iniciamos no deseño e creación de figuras coa impresora 3D. Para que isto sexa posible contamos coa axuda e colaboración do Departamento de Informática.
Este ano realizamos un curso para aprendar a manexar os programas de deseño e a impresora 3D, e a nosa primeira creación foi un chaveiro personalizado.
Para o vindeiro curso faremos moitas máis impresións xa que nos gustou moito!!
O Club de Lectura de 3º da ESO clausura este curso coa lectura do libro Un elefante na sala de estar, de Berta Dávila. Gozamos moito con esta lectura pola sencillez e naturalidade coa que se narraban os sentimentos tan profundos compartidos polos personaxes do libro ante unha situación traumática que pon en revolución todo o mundo interior da persoa.
O tema do suicidio é un tema que nos dá medo abordar, e máis porque este
índice está aumentando moito na nosa xeración. Foi un libro que nos achegou á
morte dunha forma moi sinxela e que nos mostrou como podemos exteriorizar e
compartir os sentimentos encontrados que no noso interior nacer a raíz dunha
traxedia.
Compartindo a nosa opinión, pensamos que sería bo e didáctico ler este
libro xa que nos ensina todo o que se pensa e pasa despois dunha morte causada:
mais, a diferenza do que nos mostran as noticias, non só nos presenta o
exterior da situación, se non tamén o interior do problema.
O Club de Lectura de 1º de ESO de Francés rematou de ler o libro La momie du Louvre, de Susanna Boutegege e Regine Longo. Salvando as dificultades da lingua, por ser nova para eles, hai que destacar que foi un libro que lles gustou moito.
.jpg)
.jpg)
.jpg)
.jpg)
.jpg)
.jpg)
.jpg)
A Semana Cultural do noso centro celebrouse entre o 18 e o 20 de maio e dende a Biblioteca organizamos algunhas actividades para celebrala entre as que se atopaban o cine, a poesía e a fotografía.
FOTOGRAFÍA: UNHA ARTE NA RÚA
Nesta ocasión alumnado de 1º Bacharelato A tivo a oportunidade de visionar o tan premiado e formidable filme Cara e Lugares realizado en colaboración entre a veterana directora Agnès Varda e o artista gráfico urbano e fotógrafo Jene René, coñecido polas súas impactantes obras visuais en rúas e tellados de diversas cidades de todo o mundo. Imaxinas ver unha foto túa na fachada da túa casa ou nun inmenso muro de teu barrio? Pois neste documental se amosa a arte da rúa e, directora e artista emprenden unha viaxe para inmortalizar os esquecidos con fotografías enormes. Máis que unha mera decoración estas obras buscan facerlle unha homenaxe a xente común. Un filme entrañable, engaiolante, a veces divertido, a veces melancólico que deixou ao alumnado cun sorriso no rostro.
.JPG)
Dende a Biblioteca organizamos tamén para a Semana Cultural o obradoiro Poesía e Natureza impartido pola poeta e investigadora Dores Tembrás e dirixido ao alumnado de 1º de ESO.
A poeta, baixo a sombra das árbores do xardín, transmitiulle ao alumnado o seu entusiasmo pola palabra e profundou no concepto de poesía e dos segredos do mecanismo do poema. Despois de recitarlles algúns poemas, foi a quenda dos rapaces e das rapaces que crearon as súa propias composicións guiados/as polas verbas da autora e relacionados coa natureza da que gozaban.
FOTOGRAFÍA PAISAXÍSTICA
O alumnado de 1º de ESO participou o primeiro día da Semana Cultural nun obradoiro de Iniciación á fotografía paisaxística impartido polo cormelán Andrés García, máis coñecido por Drew Korme e gañador do certame internacional Milky Way Contest da web 35 Awards grazas a unha imaxe da Vía Láctea sobre o faro Roncudo e enriba da máxica Mar de Ardora.
Iniciaron o obradoiro cunha andaina pola fermosa paisaxe que hai desde o Centro ata a Carballeira de Baio; polo camiño xa lles foi ensinando diferentes técnicas de fotografía e como potenciar o uso do teléfono móbil para realizar fotos tan excelentes como se fosen tiradas cunha cámara fotográfica.
Centrouse nas seguintes técnicas importantes para a realización dun retrato paisaxístico: a regra dos 3 terzos, a técnica do macro e a do enfoque próximo á natureza. Tamén lles comentou que non deberían usar o modo automático, que tiñan que aprender a usar a intensidade e iluminación do móbil.
Despois da explicación de cada técnica, o alumnado contaba con quince minutos aproximadamente para poñela en práctica e preguntar dúbidas. Rapaces e rapazas quedaron entusiasmados/as co obradoiro e coas nocións aprendidas durante o mesmo e que levarán á práctica sempre que saquen unha foto.
O Club de Lectura de 1º de Bacharelato e Ciclo Medio I acabou de ler o libro Golpes de Luz, de Ledicia Costas, historia que lles fixo rir ata fartar coas ocorrencias da avoa Luz e os poderes do seu martelo. Desde aquí vos convidamos a que o leades, pasarades uns momentos moi divertidos ao mesmo tempo que desentrañades a trama desta curiosa familia.
Feliz Día das Letras Galegas
Con esta novela finalizamos o club de lectura deste curso. Relata a historia dun periodista que foi enviado a cubrir unha guerra. Alí coñece ao seu “lazarillo”, un neno que lle axuda a sobrevivir nese ambiente hostil. É un libro de reflexión, que os atrapou dende o primeiro momento, e a través do cal puideron ver similitudes coa actual guerra que está acontecendo en Ucraína.
MAIO
Entrada
da mañá: O Baile de Noró, de Xabier Díaz
1º recreo: A fala do
Manuel, de Carapaus
2º recreo: Rebola, de A
Requinta da Laxeira
Entrada da
tarde: Pasodobles
de Mallou e
Xa temas á gañadora do concurso de fotografía de Cociña Saudable encadrada dentro do Programa Contrato Programa Innova de Fotografía que se está a desenvolver no Centro: Mª del Carmen Cousillas Barcia, quen nos presentou unha receita de cabaciños recheos de verduras.
Os que probamos a facer este prato tan exquisito, non dubidamos en repetilo, con el conquistamos aos nosos comensais.
Receita:
Cortamos os cabaciños a mitade, sacamoslle con culler a Carne do cabaciño deixando un pequeno borde para que non rompa e poñemos no forno a 100 grados ate que esté o dente. Facemos un pisto con cebola, porro, pemento vermello e verde, a carne do cabaciño, cenoria e berenxena. Añadimos un pouco de tomate concentrado e rematamos cun chorro de leite de coco. Rechéanse os cabaciños co pisto e espolvoreamos con mozarella raiada, prequentamos o forno a 170 grados e poñemos os cabaciños durante máis ou menos 10’ ou ata opter a cor desexada.
ESTÁ RIQUÍSIMA!!!
O mellor xeito que temos de agradecerte esta receita que con nós compartiches é regalándoche esta pequena cesta con produtos saudables da nosa terra.
