Tod@s coincidimos no positivo do Club e no moito que nos aportaron as reunións e máis as lecturas escollidas para este curso.
Durante o último trimestre realizamos unha lectura variada de diferentes obras de Defreds, autor coñecido polos seus textos breves, reflexivos e moi próximos ás preocupacións da xente nova. Nas súas publicacións aborda temas como o amor, a amizade, os sentimentos, os soños, as inseguridades e as experiencias cotiás da vida.
Esta foi a proposta que máis gustou ao alumnado, xa que os textos conectaron facilmente coas súas vivencias persoais e favoreceron a identificación cos temas tratados. Ademais, tivemos a oportunidade de recibir a visita do autor durante as actividades organizadas con motivo do Mes do Libro, celebrado en abril. Este encontro resultou especialmente enriquecedor, pois o alumnado puido coñecer de primeira man o proceso creativo do escritor, intercambiar impresións sobre as súas obras e formular preguntas sobre a súa traxectoria literaria.
.jpg)
Esta foi unha experiencia fantástica que demostra que as grandes historias non teñen idade.
.jpg)
O Club de Lectura de Ingés de 2º ESO leu o libro "The Brilliant World".
Ver como rapaces de 2º de ESO que fuxían do inglés devoraban con orgullo as páxinas de "The Brilliant World of Tom Gates" foi pura maxia. O formato cheo de doodles e humor conectou coas súas propias vidas, transformando os bufidos iniciais en gargalladas compartidas e complicidade na aula. O maior logro non foi só que aprenderan xergonía británica, senón ver o seu subidón de autoestima ao descubrir que ler en inglés tamén podía ser un refuxio divertido.
Ler The Giver en versión orixinal non foi só un reto lingüístico para os membros do Club de Lectura de Inglés de 3º e 4º da ESO; foi, moito máis, unha viaxe emocional e filosófica que transformou as sesións do Club de Lectura en debates intensos e moi vivos.
O mellor da experiencia foi comprobar como o libro desatou o espírito crítico dos rapaces. Utilizando o inglés como ferramenta, o grupo debateu con moita paixón unha pregunta clave: Paga a pena eliminar o sufrimento se a cambio temos que renunciar á nosa liberdade e aos nosos sentimentos? A resposta unánime dos rapaces foi un "non" rotundo. Preferían un mundo con imperfeccións e dor antes que unha vida anestesiada e sen libre elección.
Lectura dinámica e divertida, cunha linguaxe próxima ao alumnado e situacións que favorecen a empatía e a reflexión. O humor presente na obra facilitou a participación nas sesións do club de lectura e promoveu o gusto pola lectura. Ademais, permitiu comentar temas relacionados coa convivencia e as relacións entre iguais.
A visita de Rober Cagiao ao Club de Lectura de Adultos converteuse hoxe nunha magnífica oportunidade para conversar arredor da súa obra Cadea de favores. Durante o encontro, o autor compartiu coas persoas asistentes detalles sobre a creación da novela, as inspiracións da historia e diferentes reflexións sobre a escrita e o proceso creativo.
A sesión desenvolveuse nun ambiente próximo e participativo, no que os lectores e lectoras puideron intercambiar impresións co autor, formular preguntas e afondar nos temas e personaxes da obra, facendo da lectura unha experiencia compartida e enriquecedora.
Con esta actividade pechamos tamén o Club de Lectura de Adultos deste curso, despois de varios meses nos que os libros se converteron nun punto de encontro para o diálogo, a reflexión e o desfrute da literatura.
Queremos agradecer especialmente a Rober Cagiao a súa visita, a súa cercanía e a xenerosidade á hora de compartir esta experiencia co club. Tamén damos as grazas a todas as persoas asistentes e aos autores e autoras que nos acompañaron ao longo do curso.
Animamos a todo o mundo a descubrir e ler Cadea de favores, unha obra que sen dúbida segue deixando pegada entre os nosos lectores e lectoras.
O Club de Lectura retomará a súa actividade o vindeiro curso con novas lecturas e novos encontros arredor dos libros.
.jpg)
A docente Ana Fuentes, integrante do equipo da biblioteca do IES Maximino Romero de Lema, participa hoxe nunhas xornadas de clubs de lectura co obxectivo de ampliar a súa formación neste ámbito.
A actividade reúne profesionais da educación interesados en fomentar o hábito lector e intercambiar experiencias arredor da dinamización da lectura nos centros educativos, sendo moi importante este tipo de formación.
Hoxe celebramos o Día do Libro con este mural de recomendacións lectoras feitas pola comunidade educativa do noso centro.
Onte, o alumnado de 1º da ESO puido desfrutar dun interesante encontro literario co escritor David Blanco, dentro das actividades organizadas pola Biblioteca con motivo do Mes do Libro.
Durante a sesión, o autor falou sobre o seu libro El encuentro, unha obra de temática mariña que mergulla ao lector nunha historia chea de misterio e aventura no mar. Trátase dun libro moi atractivo, tanto polo seu contido como polas súas imaxes, que acompañan a narración e fan a lectura máis dinámica e visual.
O alumnado xa coñecía a obra, xa que a lera previamente e a traballara na aula, o que permitiu un encontro moito máis participativo e enriquecedor. Os estudantes tiveron a oportunidade de facer preguntas, compartir impresións e afondar nos detalles da historia directamente co autor.
Este tipo de encontros resultan moi positivos para fomentar o gusto pola lectura, xa que achegan os libros ao alumnado dun xeito máis próximo e motivador, convertendo a experiencia lectora nunha actividade viva e compartida.
 |
Onte continuamos có Mes do Libro coa visita do investigador e autor do arquivo “Represión (Mulleres, homes e homiños)”, Luis Sánchez Rodríguez, natural de Baio, que impartiu unha charla ao alumnado de 2º de bacharelato centrada na represión franquista en Galicia.
Durante a súa intervención, o relator abordou o contexto histórico do inicio da Guerra Civil Española e da posterior ditadura, facendo especial fincapé nas consecuencias que tivo para a poboación galega. Así mesmo, puxo sobre a mesa exemplos concretos de represión en concellos da contorna como Zas, Vimianzo e Laxe, onde veciños e veciñas foron fusilados, encarcerados ou obrigados a fuxir para salvar a vida.
A información exposta forma parte dun exhaustivo traballo de investigación desenvolvido ao longo de 14 anos e recollido no portal da Memoria da Coruña. Nesta base de datos figuran máis de 18.000 persoas vinculadas á represión, tanto vítimas como represores, converténdose nunha ferramenta fundamental para a recuperación da memoria histórica en Galicia.
A actividade permitiu ao alumnado achegarse a unha parte clave da historia recente desde unha perspectiva próxima e documentada, contribuíndo á reflexión crítica sobre o pasado.
Onte continuamos celebrando o Mes do Libro da nosa Biblioteca e o alumnado de 1º de CM de Sistemas Microinformáticos e Redes e de 1º de FPB de Informática de Oficina disfrutaron da obra "En carne viva" da compañía Bengala Teatro, no Auditorío de Vimianzo. A actividade está organizada no marco do Circuíto en Igualdade da Deputación da Coruña.
Novela de intriga ambientada nun lugar de grande valor histórico e patrimonial. A combinación de misterio e elementos da historia de Galicia resultou atractiva para os lectores, que seguiron con interese a investigación dos protagonistas. A obra contribuíu a espertar a curiosidade polo patrimonio cultural galego.
O escritor Manuel Núñez Singala mantivo hoxe unha conversa co Club de Lectura de Adultos, dentro dos encontros para celebrar o Mes do Libro, arredor da súa obra Instrucións para tomar café, na que compartiu cos participantes non só os detalles e curiosidades desta colección de relatos curtos e microrrelatos, senón tamén a súa particular maneira de escribir. Durante o encontro, explicou como concibe cada texto desde a precisión e o coidado absoluto pola linguaxe, pensando ao detalle cada palabra, cada xiro e cada matiz, nun proceso creativo no que nada queda ao azar. Esta forma de traballar reflíctese nunha obra que combina retranca, poética e humor intelixente. A actividade permitiu aos asistentes reflexionar sobre a identidade dos galegos e galegas ao mesmo tempo que gozaban dunha lectura amena e sorprendente.
O libro estrutúrase en catro bloques: Libro de reclamacións, Libro de
Onte tamén tivemos un segundo encontro literario dentro das actividades encadradas no Mes do Libro que organiza a nosa biblioteca.
Nesta ocasión visitounos o escritor David Cotizo, que compartiu un agradable e enriquecedor momento co alumnado de 2º da ESO arredor do seu libro Púrpura Tero. Durante a sesión, tiveron a oportunidade de debater sobre a obra, comentar as súas impresións e afondar nas súas peculiaridades, así como analizar os personaxes, resolver dúbidas e formular preguntas directamente ao autor.
Cómpre salientar que este tipo de encontros resultan de grande riqueza para o alumnado, xa que non só achegan a literatura dun xeito máis próximo e dinámico, senón que tamén contribúen a fomentar o gusto pola lectura e o pensamento crítico. Sen dúbida, experiencias como esta enriquecen a formación lectora e persoal do noso alumnado.
Hoxe damos comezo ao VIII Mes do Libro que celebramos con moita ilusión na nosa Biblioteca. Esta primeira xornada estivo marcada pola visita do escritor Defreds, quen compartiu o seu tempo co alumnado de 1º de Bacharelato.
O autor vigués faloulles da súa vida e da súa traxectoria como escritor, explicando como foron os seus comezos, o seu traballo con diferentes editoriais e como foi medrando tanto a nivel persoal como profesional no mundo da literatura. Ademais, tamén compartiu algunhas anécdotas que o marcaron ao longo da súa carreira, facendo a charla moi próxima e interesante.
Os rapaces e rapazas tiveron a oportunidade de participar activamente, formulándolle preguntas sobre a súa vida e o seu traballo, o que fixo do encontro unha experiencia enriquecedora para todos.
Queremos agradecer a súa presenza, a súa boa disposición e actitude, así como destacar a importancia destas xornadas que fomentan a literatura e o gusto pola lectura entre o alumnado.
