Dende a biblioteca quixemos endulzar o día das Letras Galegas facendo un obradoiro de Repostería creativa co alumnado de 1º da ESO onde os rapaces e rapazas decoraron galletas con imaxes de Xela Arias. Resultou ser este un obradoiro que gustou moito ao alumnado. Con estas fotos podedes facervos unha pequena idea do moito que gozamos.
AS LETRAS DE XELA
Xela Arias Castaño naceu en Sarria en 1962. Filla do escritor Valentín Arias, foi unha das voces máis singulares da poesía galega contemporánea e sobresaíu tamén como editora e tradutora.
Desde 1982, deu a coñecer os seus poemas en recitais, festivais e xornais e revistas.
En 1986 foi finalista do premio Losada Diéguez co seu primeiro libro, Denuncia do equilibrio.
En 1990 saíu do prelo Tigres coma cabalos, e, en 1996, o poemario Darío a diario, dedicado ao seu fillo. De 2003 é a súa derradeira obra, Intempériome.
Exerceu un labor pioneiro no mundo da tradución, que a fixo merecente de varios premios.
Este ano o Día das Letras Galegas está adicado a Xela Arias, e na biblioteca fixemos estes 3 modelos de marcapáxinas que recollen unha pequena biografía sobre Xela e algúns dos seus versos.
O venres entregámosllos ao alumnado do noso centro para celebrar este 17 de maio.
XV SEMANA CULTURAL
O próximo mércores darémoslle a benvida a nosa semana cultural, que se celebrará o 19, 20 e 21 de maio. Aquí vos amosamos o cartel coa programación establecida para os vindeiros días.
Camiñando contra o maltrato no IES Maximino Romero de Lema
A Biblioteca do IES Maximino Romero de Lema sigue cos preparativos da Semana Cultural, que se
celebrará durante a semana do 17 de maio, por iso, dende o día 11 de maio e ata finais de mes
contamos coa exposición Zoquiñas vermellas, símbolo de reivindicación dunha sociedade máis
igualitaria.
Este proxecto replica aquí, na Costa da Morte, a iniciativa dos Zapatos Vermellos da
artista mexicana Elina Chauvet que naceu con 33 pares de calzado vermello, da cor do sangue
en lembranza da súa irmá, vítima de maltrato, e de todas aquelas mulleres asasinadas e xa
para sempre ausentes.
Tras expoñerse en México, Arxentina, Chile, Ecuador, Italia, Reino Unido... a idea de
Chauvet chega adaptada a Galicia grazas á Asociación Oleira de Buño e a entidade Invisibles
para continuar denunciando esta lacra social.
No noso centro apostamos por manter vivo o debate para conseguir unha sociedade na
que o maltrato por ser muller non teña cabida. Por iso tamén contribuiremos coa venda de
broches de zoquiñas vermellas cuxa recadación irá destinada a prestar axuda a vítimas da
violencia de xénero.
Así mesmo tamén colaboramos facendo estas zoquiñas no noso obradoiro de olería, ao final poderedes ver algunhas fotos.
 |
Dende a Biblioteca realizamos unha unidade didáctica da exposición para fomentar a reflexión ao redor da mesma a toda a Comunidade Educativa.
“NÓS SOMOS ELAS ”: PATRIMONIO E MEMORIA
Dende a Biblioteca e durante todo o mes de maio convidámosvos a visitar a mostra itinerante “Nós somos
elas”, promovida pola Asociación Cultural Alexandre Bóveda e pola área
de Igualdade da Deputación da Coruña.
A exposición é unha montaxe de 24
fotografías que retratan mulleres da Costa da Morte pertencentes a distintos
períodos cronolóxicos do século XX ata 1970, principalmente. As fotos foron
seleccionadas por recoller instantáneas protagonizadas por mulleres de todas as
idades e polo seu rol antropolóxico de avoas, nais e fillas. Por seren o
soporte dunha familia moitas veces esgazada en dous polo exilio e pola
emigración forzosa. Nas súas facianas latexa a dureza dos tempos que lles tocou
vivir. Cada imaxe do pasado vese homenaxeada por versos de poetas galegas do
presente; voces consagradas como a de Luz Pozo Garza -falecida hai xa máis dun
ano-, Helena Villar Janeiro, Pilar Pallarés, Olga Patiño ou máis novas como
Berta Dávila, , Lucía Aldao, Rosalía Fernández Rial...
O noso alumnado poderá gozar desta
pequena mostra de fotografías das máis de 67.000 que compoñen o Arquivo Vidal,
conservado no Museo do Mar de Laxe e así, pór en valor a fotografía como
testemuña da nosa historia, como ferramenta esencial da nosa memoria. Realizará
un percorrido acompañado de actividades didácticas sobre o significado da
composición das fotografías, a súa motivación e función e, sobre as voces
poéticas que representan o futuro.
Hoxe entregamos o premio a gañadora do concurso de fotografía 8M.
Dende a biblioteca quixemos homenaxear tan fermosa foto escribindo un poema e así conformamos a composición: Unha ollada perenne. Velaquí tedes aquí a fotografía.
Parabéns Helena! 😁
A fotografía que resultou gañadora do concurso de "Fotografía día da muller, Mulleres bravas!" foi a feita por:
Helena Vázquez Espasandín (1ºESO)
Noraboa Helena 😃
