Illa de sangue, a novela de Carmen V. Valiña galardoada co Premio Repsol de Narrativa Breve 2025, foi a protagonista da última sesión do clube de lectura do IES Maximino Romero de Lema de Baio. O encontro serviu para afondar no proceso de creación da obra, que se inspira na illa de San Simón e na súa turbulenta historia, pero tamén para debater sobre algunhas das cuestións que aborda e nas que as persoas asistentes se puideron ver reflectidas: os tabúes e lazos familiares, a ruptura cun pasado que doe ou as consecuencias da represión que seguiu á Guerra Civil.
A través das personaxes de Helena, Coral ou Raúl, o clube serviu tamén para plantexarnos como as feridas do pasado e as relacións co noso entorno máis próximo nos condicionan, así como para plantexarnos que teríamos feito nós de ter estado no lugar que esas personaxes ocupan. Unha sesión na que a memoria, o pasado e os lazos familiares foron os auténticos protagonistas, a través dunha historia na que a desaparición da protagonista é só o punto de partida para plantexarnos cuestións que afectan directamente á nosa identidade e á nosa posición no mundo.
Moitas grazas Carmen pola túa visita e por achegarnos a este libro que sen dúbida aconsellamos ler!
