O Equipo da Biblioteca invitou aos seus usuarios a realizar un fotopoema: cando visen unha paisaxe, unha realidade cotiá, un obxecto que lles provocase unha especial emoción, tiñan que tirar unha fotografía e escribir un haiku no que reflectisen os sentimentos sentidos.
A proposta tivo un gran éxito -entregáronnos máis de cincuenta fotos cos respectivos poemas- e para celebrar hoxe, 20 de marzo, o Día Mundial da Poesía, realizamos unha exposición que podedes visitar en distintos puntos do instituto.
Velaquí vos deixamos imaxes da mostra coas creacións artísticas das cousas sinxelas que forman o universo de bastantes alumnos e alumnas, de profesoras e, ata dalgúns pais e nais.
Animámosvos a conmemorar este día, LENDO e GOZANDO da POESÍA!
.JPG)
.JPG)
.JPG)
.jpg)
O Equipo da Biblioteca en colaboración co alumnanado de Poxecto Competencial de 3º ESO está a traballar ao longo deste curso a temática do cómic. Comezaron cun traballo de busca da información sobre a historia do cómic, da banda deseñada e do manga. Todos os traballos están expostos no corredor da biblioteca.
Na Biblioteca conmemoramos o Día Internacional da Muller cun obradoiro no que
alumnado de 1o ESO tivo que deseñar camisetas con arte e mensaxes inspiradoras.
A encargada de desenvolver a proposta didáctica foi Eva que acompañou a rapazas e
rapaces no proceso, explicando o obxectivo do taller, diferentes técnicas de pintura téxtil para
que lle deran un toque especial á súa creación e, animándoos a personalizar a súa camiseta con
deseños creativos e únicos.
Moitas grazas a Eva pola túa dedicación e ao CIM do Concello de Zas por achegarnos
esta interesante actividade que permite visibilizar o feminino e a loita pola igualdade, á vez que
amosar a creatividade e orixinalidade dos e das participantes.
Pílula informativa mes de marzo:
Neste mes de marzo a pírula informativa que queremos compartir para continuar coa nosa reflexión sobre o consumo responsable de produtos frescos e de proximidade é a seguinte.
Mellor sabor e calidade nutricional: Os alimentos locais adoitan estar no seu punto óptimo de madureza o que se traduce nun maior sabor e calidade nutricional.
O luns 24 de febreiro tivemos o privilexio de compartir un espazo de diálogo e reflexión arredor da saúde mental dende unha perspectiva de xénero coa periodista Ana González Liste, o psicólogo clínico Jose Berdullas e a escritora Antía Yáñez.
A coordinadora do proxecto, Antía Yáñez, exerceu de moderadora do debate formulando preguntas, a partir de diversos documentos e artigos periodísticos, que daban pé a compartir a visión e a propia experiencia sobre saúde mental dos poñentes no seu ámbito de traballo: o da comunicación, o da saúde clínica e o da literatura.
Foron moitos os aspectos sobre o tema que se trataron: o grave problema que é en Galicia a saúde mental e o mal atendida pola falta de persoal; o cambio xeracional á hora de abordar o tema xa que a mocidade ten menos prexuízos; o suicidio, cunhas taxas alarmantes entre os máis novos, así como o aumento notable de crises de ansiedade, autolesións, acoso ou depresións neste grupo da sociedade.
Debateuse tamén sobre a gran carga mental que supón que a muller teña que ocuparse, á parte do seu propio traballo, do tema dos coidados da familia; destacouse a crise dos 40 que afecta sobre todo á muller porque a sociedade lles esixe ser nais nun contexto de traballo inestable ou con problemas de vivenda.
Os tres relatores concluíron subliñando a importancia de desenvolver un espírito crítico para combater a desinformación, do uso moderado de móbiles ou das redes sociais e, sobre todo, coa defensa das relacións interpersoais, expresando os sentimentos, falando dos nosos problemas coa xente que nos rodea, cos veciños, cos amigos...
Resultou un debate animado e estimulante con toques de humor e moita ironía no que o alumnado puido participar activamente respondendo as cuestións que ían xurdindo.
Esta charla-coloquio, organizada pola Deputación da Coruña e na que colaborou o CIM do Concello de Zas, inicia as actividades que realizaremos no Centro para conmemorar o 8 de marzo, Día Internacional da Muller.
