Presentámosvos o vídeo constituído por fotografías que recollen a esencia dos libros lidos no Club de Lectura Baiolendo durante este curso académico.
BAIOLENDO DESPIDE O 3º TRIMESTRE
Rematamos o curso coas seguintes lecturas: 1º ESO divertiuse moito lendo, recitando e elaborando uns murais para a foto artística de Unha nova dimensión de Anxo Iglesias, premio Merlín 2022.
http://bibliotecamaximino.blogspot.com/2023/06/o-club-de-lectura-de-1-eso-recrea-unha.html
2º ESO leu Pablo e as pombas de Marcos Calveiro, libro do que fixeron un roteiro literario pola Coruña para coñecer os espazos nos que viviu durante 4 anos o neno Pablo Picasso.
http://bibliotecamaximino.blogspot.com/2023/04/as-as-pegadas-de-picasso-na-coruna.html,
O club de lectura formado por alumnos de 3ºESO, 4ºESO e 2ºFPB leron Cicuta para dous de Rocio Leira e asistiron ao encontro literario coa autora.
http://bibliotecamaximino.blogspot.com/2023/04/filosofia-intriga-e-retranca-en-cicuta.html
O club de lectura de Bacharelato finalizou este curso coa novela negra O home que matou a Antía Morgade de Arantza Portabales; o club de lectura de 1º FPB leu de José Luís Baños de Cos, A cámara escura e de francés rematou o libro de poesías C´est mieux quand ça rime! de Marie Pimont que viñan lendo ao longo do curso.
Os adultos despedíronse con Flores de ferro de María Rei Vilas coa que tiveron a oportunidade de compartir impresións arredor de lecturas así como coñecer moitos detalles da trama que non se contan no libro e que foron desvelados por ella.
http://bibliotecamaximino.blogspot.com/2023/04/o-club-de-lectura-de-adultos-goza-coa.html
Velaquí vos deixamos as fotos artísticas realizadas nestes últimos meses.
BAIOLENDO DESPIDE O CURSO CUNHA MERENDA
Chegou o último día de clase deste curso e con el o Club de Lectura Baiolendo despídese ata o próximo curso cunha merenda onde compartimos comida, experiencias, alegrías, despedidas e moitas ganas de continuar o próximo curso.
BAIOLENDO NA XV XORNADA DE CLUBS DE LECTURA
O Club de Lectura Baiolendo participou a través da súa coordinadora, Mª Trinidad López na Mesa experiencias: O teatro nos club de lectura. Desenvolveu ao longo do seu relatorio, primeiro as actividades relacionadas directamente co teatro levadas a cabo no noso club e despois presentou outras indirectamente vinculadas ao xénero dramático que visibilizou a lectura realizada polo membros do noso club ante os e as representantes doutros clubs
Foi unha experiencia moi positiva e enriquecedora; un orgullo para o noso Centro amosarse como punto de referencia e guía para os Clubs de Lectura Escolares de Galicia.
Subscribirse a:
Publicacións (Atom)