BOOKTRAILER de "O QUE SEI DO SILENCIO" de Andrea Maceiras
Os alumnos do club de lectura de 3º da ESO, BAIOLENDO, elaboraron o booktrailer sobre o libro "O que sei do silencio" de Andrea Maceiras
II MES DO LIBRO NA BIBLIOTECA
II MES DO LIBRO: ENCONTRO CON EVA MEJUTO
II
MES DO LIBRO
O
luns 29 de abril o alumnado de 3º da ESO e de FP Básica I asistiu
na Biblioteca a un encontro literario coa escritora Eva Mejuto.
Durante case dúas horas a escritora falou do libro 22
segundos,
“unha
proposta pioneira para falar aos
xóvenes da transexualidade e da necesidade de visibilizar esta
elección como unha tan válida e socialmente aceptada como calquera
outra”.
O
alumnado comentoulle entusiasmado
e preguntoulle con
moito interese
á autora dúbidas e curiosidades sobre esta
obra lida na clase. A
conversa mantida entre a autora e o alumnado resultou moi amena,
frutífera e enriquecedora.
II MES DO LIBRO: ENCONTRO CON ANDREA MACEIRAS
II
MES DO LIBRO
O martes
23 de abril, día
do libro, o alumnado de 2º
e 3º da
ESO asistiu na Biblioteca a
un encontro literario coa autora Andrea Maceiras. Neste encontro e
tras a presentación dun vídeo elaborado polo alumnado do Club de
Lectura de 3º da ESO sobre o libro O
que sei do silencio,
e a lectura do conto 9 ( inédito ), De
cando fun serea, Leaena
Hiems por
parte de Andrea;
comezou un diálogo entre o alumnado e a autora que versou sobre a
temática do acoso escolar e os distintos roles adquiridos polas
personaxes
que
aparecen na trama no
libro.
II MES DO LIBRO: ENCONTRO CON ANTÍA YÁÑEZ
II
MES DO LIBRO
O venres
12 de abril o alumnado de 1º
da ESO asistiu na Biblioteca a un encontro literario coa escritora
Antía Yáñez. Durante unha hora comentaron e preguntáronlle a
autora dúbidas e curiosidades sobre o libro O
misterio de Portomarín,
obra literaria lida na clase. Este alumnado, xunto coa súa profesora
de Lingua Galega fixeron varios “libros-cómics” sobre dita obra,
agasallando cun exemplar a Antía.
Este
mesmo día o alumnado de 1º de Bacharelato tamén tivo un encontro
con esta mesma autora, tratando nesta ocasión a temática do libro
Senlleiras.
ENCONTRO CON MONTSE FAJARDO
II
MES DO LIBRO
O mércores 10 de abril o alumnado
de 2º de Bacharelato asistiu á charla “A
represión sobre as
mulleres tras o Golpe de
Estado do 36”,
impartida por Montse
Fajardo. Esta periodista
e escritora de libros como Matriarcas,
Un cesto de mazás
e Invisibles,
lembrou as consecuencias da Guerra Civil española.
A conferencia repasou as distintas
tipoloxías de represión contra as mulleres, sempre as grandes
esquecidas. Con exemplos, fotografías e historias duras, puxo nome
e apelidos a moitas mulleres galegas que foron duramente
represaliadas durante o Franquismo.
Reprodúcense algunhas das opinións
do alumnado asistente:
-
“Pareceume unha charla moi interesente, que nos fixo abrir os ollos
cara unha realidade onde non só os homes foron vítimas da represión
fascista, senón que tamén o foron as mulleres que quedaron, en gran
parte, esquecidas de selo. Fíxome conecatr con todos os casos de
mulleres que sufriron, de algún modo, esas humillacións, torturas e
unha durísima violencia sexista”.
-
“(…) nunca nos paramos a ver, xa que sempre nos centramos nos
mortos da guerra e non nas mulleres que padeceron unha brutal
represión”.
-
“(…) á parte de informativa e ilustrativa, con moitos exemplos
de mulleres torturadas que merecen que recordemos os seus nomes”.
-
“Gústoume moito a charla, o único que non me gustou é que
podería buscar algún exemplo cercano a nós, pero entendo que se
centrase na súa zona e non vai buscar un exemplo a cada lugar que
vaia.
Ademais,
conmovéronme as historias de amor dos homes que se entregaban para
que a súa familia deixara de sufrir”.
-
Abrumadora. Todos deberían de ter á oportunidade de coñecer esta
realidade tan reprimida e olvidada. Volvería a vivir esta charla sen
pensalo”.
-
“(…) conta unha das partes máis ocultas do Franquismo. A
represión contra as mulleres foi un dos feitos máis duros e tamén
dos máis silenciados (…).
-
“Estremecedor, vin o Franquismo dende unha óptica feminina. Montse
Fajardo amosoume a durísima realidade que sufriron as nosas
antepasadas e ademais deulles voz a esas mulleres...”
“(…)
paréceme positivo que se recupere a memoria destes feitos para poder
comprender mellor a difícil vida naqueles anos da Guerra Civil,
posguerra e diatdura franquista”.
“(…)
entre outras cousas impactoume moito a historia das Marías de
Compostela, dúas mulleres que se atopan na Alameda, que levo toda a
vida véndoas alí e ata onte non souben a verdadeira historia que
había detrás delas”.
“(…)
la charla entre otras cosas me ha hecho ver que es un asunto de
urgencia reconocer a todas esas personas y sus familiares,
dignificarlas y a lo mejor poner el 18 de julio como el Día de las
víctimas del franquismo”.
“Persoalmente
gustoume moito esta charla porque nos ofreceu información e
historias moi interesantes, aínda que tristes e cheas de violencia,
dunha época que marcou a vida de moitas persoas”.
“A
charla pareceume moi interesante e aportoume outro punto de vista que
non se nos soe contar e que tampouco aparece nos libros de texto. Ao
mesmo tempo creoume una impotencia ao ver todo o que tiveron que
pasar as mulleres galegas durante esta etapa da historia”.
OBRADOIRO DE MICRORRELATOS CON FERNANDO DÍAZ CASTROVERDE
II
MES DO LIBRO
O
xoves 4 de abril o alumnado de 2º de ESO e 1º de BACHARELATO (que
cursa a materia de Literatura Universal), asistiu na Biblioteca ao
“Obradoiro de
Microrrelatos”
impartido polo escritor e profesor de Lingua Galega Fernando Díaz
Castroverde. Durante dúas horas o alumnado mergullouse no mundo da
escrita, escribindo e lendo relatos breves, precisos e intensos.
LEVA UN LIBRO, COLLE UN BOMBÓN
Durante todo o mes de abril, todos aqueles que levedes un libro en empréstito poderedes levar tamén un bombón. Desexamos que teñades unha doce lectura.
Subscribirse a:
Publicacións (Atom)