PARA ELAS E POR ELAS
Mulleres do común, mulleres do cotián, son elas as que crean as condicións para unha sociedade mellor. Orgullosas e reivindicativas co seu exemplo cotián de dignidade. Por iso parte do alumnado de 3º e 4º da ESO homenaxeou as mulleres que forman parte das súas vidas, esas mulleres necesarias e valentes, que en moitas ocasións viviron circunstancias moi pouco favorables, pero, aínda así souberon saír sempre adiante con dignidade. Para elas e por elas fixemos unha exposición con fotografías cedidas polos rapaces e rapazas.
